ქალბატონმა ქეთი ჭყოიძემ კომპანიაში მუშაობა დაიწყო 2014 წელს. მისი პასუხისმგებლობა მოიცავს  კომპანიის საკადრო პოლიტიკის წარმართვას, კომპანიის ადამიანურ კაპიტალის განვითარებას, ასევე ჰოლდინგის საჭიროებებზე მორგებული ადამიანური რესურსების მართვის სისტემების შექმნას. იგი ასევე კოორდინაციას უწევს  კომპანიის პორტფელის სამშენებლო პროექტების გარე და შიდა დიზაინის შექმნისა და განხორციელების პროცესებს.

კომპანიაში მოსვლამდე იგი მუშაობდა როგორც აღმასრულებელი მდივანი და ადამიანური რესურსების მართვის ხელმძღვანელი თბილისში, CanArgo Limited-ის Blake Oil & Gas Limited-ისასა და MND Georgia BV-ს ერთობლივ საწარმოში 2012-2013 წლებში. როგორც აუდიტორული კომპანია PwC საქართველოს ადმინისტრაციული ასისტენტი, იგი მუშაობდა ადამიანური რესურსების მართვის ხელმძღვანელის გუნდში 2005-2012 წლებში.

ქალბატონი ქეთი ჭყოიძე არის დიდი ბრიტანეთის პერსონალისა და განვითარების სამეცნიერო ინსტიტუტის  (CIPD) სერტიფიცირებული პრაქტიკოსი ადამიანური რესურსების მართვის დარგში, ასევე არის აღნიშნული ინსტიტუტის ასოცირებული წევრი. იგი  გახლავთ ამერიკის ნეირო-ლინგვისტური პროგრამირების (NLP) სკოლის მიერ სერტიფიცირებული პრაქტიკოსი და ქოუჩი.  გარდა ამისა, ფლობს კორნელის უნივერსიტეტის საწარმოო და შრომითი ურთიერთობების სკოლის სერტიფიკატს ადამიანური რესურსების სტრატეგიული ხელმძღვანელობის დარგში. ქალბატონ ჭყოიძეს დამთავრებული აქვს ილია ჭავჭავაძის სახელობის ენათა და კულტურათა სახელმწიფო უნივერსიტეტი და ფლობს ბაკალავრის დიპლომს ინგლისური ენის ფილოლოგისა და მთარგმნელ-თარჯიმნის სპეციალობით.